दुर्गा प्रसाईंलाई आज अदालतमा पेश गरिँदै
-
ANTIMA SARRAF
- today५ मंसिर २०८१
वीरगंज |साइबर अपराध मुद्दामा पक्राउ परेका दुर्गा प्रसाईंलाई आज काठमाडौं जिल्ला अदालतमा पेश गरिँदैछ। उनी मंगलबार दिउँसो भक्तपुरको कमेरोटारस्थित आफ्नो निजी निवासबाट पक्राउ परेका थिए। आज उनलाई म्याद थपका लागि अदालतमा पेश गर्न लागिएको हो।
उनको मंगलबार स्वास्थ्य परीक्षण गरिएको थियो। प्रसाईंले हालै एक भिडियो सार्वजनिक गर्दै कम्बोडियामा रहेको टेलिकम कम्पनी एक्जियाटा र प्रधानमन्त्री केपी शर्मा ओलीको बीचमा अर्बौं डलरको लगानी रहेको दाबी गरेका थिए। उनले यसका साथ विभिन्न कागजातहरू सार्वजनिक गरेका थिए, जसका कारण सामाजिक सञ्जालमा अफवाह फैलाएको आरोप छ।
प्रसाईंविरुद्ध साइबर अपराधको मुद्दामा अनुसन्धान अघि बढिरहेको छ। यसबाहेक, उनले किर्ते जस्ता अन्य कसुरहरूमा पनि संलग्न भएको आरोप छ। प्रहरीले उनलाई यसअघि नै विभिन्न अपराधका मुद्दामा अनुसन्धान गरिरहेको बताएको छ।
यसअघि, दुर्गा प्रसाईंलाई असोज ६ गते मेडिकल व्यवसायसँग सम्बन्धित आरोपमा पनि पक्राउ गरिएको थियो। उनी अहिले साइबर अपराधसम्बन्धी मुद्दामा काठमाडौं जिल्ला अदालतमा विचाराधीन छन् र सो मुद्धामा एक लाख रुपैयाँ धरौटी बुझाएर रिहा भएका थिए।
अब अदालतमा म्याद थपको प्रक्रिया हुँदैछ र उनलाई भविष्यमा थप कारवाहीको सामना गर्न सक्ने सम्भावना छ।
