रास्वपाद्वारा स्थानीय तह उपनिर्वाचन संवादका लागि समिति गठन
-
बिशाल यादब
- today११ कार्तिक २०८१
राष्ट्रिय स्वतन्त्र पार्टी (रास्वपा) ले देशव्यापी राजनीतिक तथा नागरिक संवादलाई प्रवर्द्धन गर्ने उद्देश्यले समिति गठन गरेको छ। शनिबार सम्पन्न केन्द्रीय समितिको बैठकले उपसभापति स्वर्णिम वाग्लेको संयोजकत्वमा संवाद समिति बनाउने निर्णय गरेको हो।
पार्टीका कार्यवाहक प्रवक्ता मनिष झाले जानकारी दिएअनुसार बैठकले आगामी स्थानीय तह उपनिर्वाचनका लागि आवश्यक कार्ययोजना तयार पार्न संयोजन समितिलाई ३ दिनभित्र प्रतिवेदन पेस गर्न निर्देशन दिएको छ।
रास्वपाले विषम परिस्थितिका कारण केही जिल्ला भेलाहरू स्थगित गरे पनि सांगठनिक गतिविधि भने सञ्चालनमा राख्ने निर्णय गरेको प्रवक्ता झाको भनाइ छ।
