गुटेरेस प्रधानमन्त्री प्रचण्डको साथ आज लुम्बिनी आउने
-
रुस्तम देवान
- today१३ कार्तिक २०८०
१४ कार्तिक // अग्निपथ मिडिया
संयुक्त राष्ट्र सङ्घका महासचिव एन्टोरियो गुटेरेस आज लुम्बिनी आउँदै छन् । नेपाल भ्रमणमा रहेका गुटेरेस र प्रधानमन्त्री पुष्पकमल दाहाल ‘प्रचण्ड’ आज बिहान भैरहवास्थित गौतमबद्ध अन्तर्राष्ट्रिय विमानस्थलमा झरेर लुम्बिनी जाने कार्यतालिका छ ।
गुटेरेस आइतबार नेपाल आएका हुन् । गुटेरेसको लुम्बिनी भ्रमणको सबै तयारी पूरा भएको लुम्बिनी विकास कोषका उपाध्यक्ष डा ल्हारक्याल लामाले बताए । गुटरेसले लुम्बिनीमा झण्डै डेढ घण्टा बिताउने छन् । उनी साढे १० बजे काठमाडौँ फर्किने कार्यक्रम छ ।
भैरहवास्थित विमानस्थलमा ओलिएपछि हेलिकप्टरमार्फत उनी लुम्बिनी जानेछन् । गुटरेसले मायादेवी मन्दिर, बुद्ध जन्म स्मारक, पुष्पकरणी पोखरी, अशोक स्तम्भहरूको निरीक्षणपछि पिपलको रुखमुनि छोटोमा स्वागत गर्ने कार्यक्रम राखिएको लुम्बिनी विकास कोषका प्रमुख प्रशासन अधिकृत ज्ञानिन राईले रातोपाटीलाई बताए ।
