शपथ ग्रहण कार्यक्रमको लागि नेकपा एमालेका राष्ट्रिय अध्यक्ष केपी शर्मा ओली कार्तिक १८ गते वीरगञ्ज आउदै |
-
अनजित राउत कुर्मि
- today९ कार्तिक २०८०
वीरगञ्ज ।
मधेश प्रदेशको प्रथम महाधिवेशनबाट निर्वाचित पदाधिकारीहरुको शपथ ग्रहण कार्यक्रमको लागि नेकपा एमालेका राष्ट्रिय अध्यक्ष केपी शर्मा ओली कार्तिक १८ गते वीरगञ्ज आउने भएका छन । वीरगञ्ज स्थित पार्टी कार्यालयमा बसेको बैठकले कार्तिक १८ गते हुने शपथ ग्रहण कार्यक्रमलाई सफल पार्न विभिन्न निर्णयहरु समेत गरेको छ ।
कार्यक्रम सफल पार्न शुक्रबार दिउँसो २ बजे पर्सा जिल्लाका सम्पुर्ण एमालेका पालिका अध्यक्ष, निर्वाचित जनप्रतिनिधि, केन्द्रिय सदस्य, केन्द्रिय सल्लाहकार, प्रदेश पदाधिकारी सम्मिलित बैठक राखिएको मधेश प्रदेशका उपाध्यक्ष बिचारी यादवले बताए ।
मधेश प्रदेशका अध्यक्ष चन्देश्वर मण्डलको अध्यक्षतामा सम्पन्न बैठकमा केन्द्रिय सदस्य राजकुमार गुप्ता, प्रभु हजरा, निर्मला देवकोटा, अरविन्द सिंह, पर्सा जिल्ला अध्यक्ष विश्वम्भर शर्मा, केन्द्रिय सल्लाहकार समितीका सदस्य बिजय कुमार सरावगी लगायतको उपस्थिति रहेको थियो ।
