बालुवाटारमा प्रचण्ड, देउवा र ओलीबीच भेटवार्ता ।
-
अग्निपथ सम्बादाता
- today२५ बैशाख २०८०
अग्निपथ मेडिया
बिरगंज / प्रमुख तीन दलका शीर्ष नेताहरुको बैठक प्रधानमन्त्री निवास बालुवाटारमा बसेको छ ।
प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओली सहभागी बैठकमा भएको छलफलको विषय सार्वजनिक भइसकेको छैन ।
तर प्रधानमन्त्रीको सचिवालयले भने समसामयिक राजनीतिबारे छलफल भएको जनाएको छ।
नक्कली भुटानी शरणार्थी प्रकरणमा ‘हाई प्रोफाइल’ नेताहरु मुछिएका बेला शीर्ष नेताहरुबीच भएको भएको बैठक अर्थपूर्ण मानिएको छ ।
यो प्रकरणमा नेकपा एमालेका उपाध्यक्ष रामबहादुर थापा बादल, सचिव टोपबहादुर रायमाझी, नेपाली कांग्रेसका नेता एवम् पूर्वगृहमन्त्री बालकृष्ण खाँण लगायतको नामसमेत मुछिएपछि राजनीति तरंगित छ ।
यद्यपि कांग्रेस–एमालेले यसबारे चित्तबुझ्दो जवाफ दिन सकेका छैनन् ।
नक्कली शरणार्थी प्रकरणमा नेकपा एमालेका सचिव टोपबहादुर राय हाल एमाले सचिव रायमाझी फरार छन् ।
माझीविरुद्ध पक्राउ पुर्जी जारी भएपछि नेकपा एमालेका अध्यक्ष केपी शर्मा ओलीले यसअघि दुई पटकसम्म प्रधानमन्त्री प्रचण्डलाई भेटेर छलफल गरेका थिए ।
उनले कसैलाई चोख्याउने र कसैलाई दण्डित गर्ने नियत राखिएको भन्दै सरकारको आलोचना गर्दै आएका छन् ।
