रसायनिको मल मुल्य बृद्धी गरिएकोमा माओवादी कम्युनिस्ट पार्टी, नेपालले कडा बिज्ञप्ती निकाल्यो
-
रामाशंकर साह
- today५ चैत्र २०७९
५-चैत्र, पर्सा // अग्निपथ मिडिया
अहिले भइरहेको मुल्य बृद्धीको सम्वन्धमा माओवादी कम्युनिस्ट पार्टि नेपाल,ले एक बिज्ञप्ती निकाल्दै बिरोध जनाएको छ ।
माओवादी कम्युनिस्ट पार्टी, नेपालको महासचिव रामनारायण पालद्वारा हस्ताक्षरित बिज्ञप्तिमा किसानको लागी अति आवश्यक हुने रसायनिक मल, किसानको लागी बिउँ बिजन र सिँचाईको लागी अबिलम्ब समुचित ब्यवस्था गरीदिन समेत माग रहेको छ।
बिज्ञप्तिमा भनिएको छ, ‘नेपाल सरकारले यहि फागुन २४ गते रासायनिक मलमा दिइदै आएको ७०.८३% अनुदान कटौती गरि ५९.०४% बनाएको प्रती हाम्रो पार्टीको गम्भीर ध्यानाकर्षण भएको छ । सरकारको यस निर्णयबाट किसानले प्रती किलो यूरियामा रु ११/- , डि.ए.पी रु ७/- , पोटासमा रु ९/- थप मूल्य ब्यवहोर्नु परेको छ ।
बिज्ञप्तिमा भनिएको छ, ‘सरकारले जनताको हितमा काम गर्नुपर्ने थियो र उत्पादनमूखी बजेट ल्याउनु पर्नेमा उल्टै मलको समग्र अनुदानमा ११.८ % ले घटाउने निर्णय गर्नु सरकारद्वारा गरिब किसानहरुको विवेस्ता गरिएको देखिन्छ ।
बिज्ञप्तिमा भनिएको छ, ‘हाम्रो पार्टी माओवादी क.पार्टि नेपाल, हालको सरकारसंग किसानलाई साविक दिदै आएको रासायनिक मलको अनुदान दिन जोडदार माङ्ग गर्दछौ ।
अन्तमा ‘किसानको हितमा माग सम्बोधन नभए मा.क.पा नेपाल कडा संघर्षमा उत्रीन बाध्य हुने ब्यवहोरा उल्लेख गरिएको छ ।
