नवनिर्वाचित सभामुख मण्डल र उपसभामुख ईशरद्वारा पदभार ग्रहण
-
अग्निपथ सम्बादाता
- today४ माघ २०७९
Agnipath media - अग्निपथ मिडिया
वीरगञ्ज,४ माघ । मधेस प्रदेशका नवनिर्वाचित सभामुख रामचन्द्र मण्डल र उपसभामुख बबिताकुमारी राउत ईशरले पद तथा गोपनीयताको सपथ लिदैं पदभार ग्रहण गरेका छन् ।
प्रदेश प्रमुख हरिशंकर मिश्रले सभामुख मण्डल र उपसभामुख ईशरलाई पद तथा गोपनियताको सपथ खुवाए लगत्तै प्रदेशसभा पुगेर उनीहरुले पदभार सम्हालेका हुन् ।
मंगलबार बसेको प्रदेशसभा बैठकमा मण्डललाई सभामुखमा चयन गरियोस् भन्ने प्रस्तावको पक्षमा ७४ मत अर्थात् बहुमत सदस्यको समर्थन प्राप्त भएको थियो ।
यसैगरी जनमत पार्टीकी उम्मेदवार बबिताकुमारी राउत ईशरलाई उपसभामुखमा निर्वाचित गरियोस् भन्ने पक्षमा ७२ मत प्राप्त भएको थियो ।
