वीरगञ्ज, – शहिद दिवसको अवसरमा वीरगञ्जको घण्टाघरस्थित शहिदपार्कमा रहेका शहिदहरुको शालिकमा माल्यार्पण गरिएको छ। यो कार्यक्रममा पर्सा जिल्ला प्रशासन कार्यालयको आयोजनामा श्रद्धाञ्जली अर्पण गरिएको हो।
घटनास्थलको शहिदपार्कमा मधेस आन्दोलनका शहिदहरुको शालिकमा माल्यार्पण गर्दै श्रद्धाञ्जली अर्पण गरिएको हो। प्रमुख जिल्ला अधिकारी गणेश अर्यालयको अध्यक्षतामा भएको यस कार्यक्रमले शहिदहरूको योगदान र बलिदानको सम्मान जनाउँदै, शान्ति र समृद्धिका लागि उनका योगदानलाई सम्झेको छ।
कार्यक्रममा वीरगञ्ज महानगरपालिकाका उपप्रमुख इम्तियाज आलम, नेपाली कांग्रेस पर्साका कार्यवाहक सभापति रामनारायण कुर्मी, नेकपा एमाले पर्साका अध्यक्ष डा. विश्वम्भर शर्मा, नेपाल पत्रकार महासंघ पर्साका अध्यक्ष ओमप्रकाश खनाल लगायतका प्रमुख व्यक्तिहरूले शहिदहरूलाई श्रद्धाञ्जली अर्पण गर्दै मन्तव्य व्यक्त गरेका थिए।
कार्यक्रममा पर्साका सहायक प्रमुख जिल्ला अधिकारी निशानराज गौतम, प्रहरी उपरीक्षक गौतम मिश्र, सशस्त्र प्रहरी नायव उपरीक्षक नरेन्द्रसिंह धामी, जिल्ला ट्राफिक प्रहरी कार्यालय पर्साका प्रहरी निरीक्षक लोकराज भट्ट, वडा प्रहरी कार्यालय वीर्ताका प्रहरी निरीक्षक निरोज चौलागाई लगायतका प्रमुख अधिकारीहरू पनि उपस्थित थिए।
शहिद दिवसका अवसरमा आयोजित यस कार्यक्रमले शहिदहरूको संघर्ष र बलिदानको स्मरण गराउन महत्त्वपूर्ण भूमिका खेलेको छ। कार्यक्रमले शहिदहरूको योगदानलाई सम्मानित गर्दै, त्यसका साथ साथै समाजमा शान्ति र समृद्धिको सन्देश पनि प्रवाह गर्ने काम गरेको छ।
